/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Цифрландыру әскер күштерін, күш пен құралдарын аз шығандай отырып ұтымды пайдалануға мүмкіндік береді

Цифрландыру әскер күштерін, күш пен құралдарын аз шығандай отырып ұтымды пайдалануға мүмкіндік береді

Қорғаныс министрлігінде семинар форматында Қазақстан Қарулы Күштерін цифрландырудағы өзекті мәселелерді талқылады.  

03 Маусым 2020 21:19 219

Цифрландыру әскер күштерін, күш пен құралдарын аз шығандай отырып ұтымды пайдалануға мүмкіндік береді

Шараға Президенттің кеңесшісі Бағдат Мусин, Қорғаныс министрлігі басшылығы, әскер түрлерінің бас қолбасшылары, өңірлік қолбасшылықтар қолбасшылары қатысты, деп хабарлайды ҚР Қорғаныс министрлігінің баспасөз қызметі.

Қорғаныс министрлігі елдің қауіпсіздігіне жауап беретін мемлекеттік орган ретінде армияны цифрландыруға кірісті. Ол үш негізгі бағыт бойынша жүргізіледі. Атап айтқанда, «Цифрлы Қазақстан» мемлекеттік бағдарламасының іс-шараларын іске асыруға қатысу, «Электронды үкімет» порталы арқылы халыққа мемлекеттік қызмет көрсету, сондай-ақ әскери мақсаттағы басқару жүйесін автоматтандыру мен ақпараттық жүйелерді енгізу.

«Армияны сандық тұрғыда жаңғырту мәселелерінде белгілі бір нәтижелерге қол жеткізылді, сандық технологияларды енгізу бойынша тәжірибе жинақталып, күштер мен құралдардың қажетті әлеуеті құрылуда. Сонымен қатар, Қарулы Күштерді әлі де атқаратын нәрселер көп», – деді Қорғаныс министрі генерал-лейтенант Нұрлан Ермекбаев.

Сонымен қатар, командирлердің қызығушылығы мен жеткілікті қаржыландырусыз жұмыс нәтижесіне толық көлемде қол жеткізілмейтінін атап өтті. Барлық деңгейдегі командирлер автоматтандыру мен цифрландырудың не беретінін түсінбей, жақсы нәтиже болмайды.

Әскер түрлері мен тектері, өңірлік қолбасшылықтар бас қолбасшылары басқармаларының құрылымына автоматтандыру және цифрландыру жөніндегі офицерлерді енгізу қажет.

Басқару үдерістерін автоматтандыру басқару қызметінің циклін қысқартуға бағытталған. Жауынгерлік міндетті алудан бастап, оның орындалуын талдауға дейінгі жұмыстрады қамтиды.

Мәселен, автоматтандырылған басқару жүйесі Әуе қорғанысы күштерінде жұмыс істейді. Ол әуе жағдайын бейнелеуді қол күшінің көмегімен емес, автоматты түрде орындалуына алмастырды. Жауынгерлік құралдардың дайындығын бақылау, штурмандық міндеттерді мақсатты бөлу және шешу бағдарламалық-аппараттық кешендерін қолдана отырып жүзеге асырылады.

Әуе қорғаныс күштері автоматтандырылған басқару жүйесінің мобильді кешендерін жауынгерлік іс-қимылдар кезінде бөлімдер мен бөлімшелердің маневр жасауын қамтамасыз ету үшін енгізу жоспарланып отыр. Майдандық, армиялық, сондай-ақ көлік авиациясын басқару мүмкіндігін қосу мақсатында арнайы бағдарламаны қамтамасыз етудің функционалы кеңейтілетін болады.

Сондай-ақ, жоғарғы буын мен Құрлық әскерлерін басқарудың автоматтандырылған жүйесі әзірленді. Ол Қарулы Күштерді басқарудың автоматтандырылған жүйесінің негізі болып табылады және бағынышты әскерлерді басқарудың тиімділігі мен сапасын арттыруға, шешімдер қабылдау уақытын қысқартуға және күштер мен құралдардың аз шығынында жауынгерлік іс-қимылдарда табысқа жету үшін әскерлердің мүмкіндіктерін ұтымды пайдалану үшін жағдайлар жасауға арналған.

Бұдан басқа, Қарулы Күштер ресурстарын басқарудың автоматтандырылған жүйесі әзірленуде. Ол жұмылдыру, материалдық-техникалық, және өзге де ресурстарды , сондай-ақ әскердің кадрлық әлеуетін басқару және бухгалтерлік есепке алу процестерін автоматтандыруды көздейді. Аталмыш жүйені құру аяқталғаннан кейін есептің барлық түрлерін онлайн-режимге көшіру, сондай-ақ қолда бар және құрылатын анықтамалықтар мен жіктеуіштер негізінде Қарулы Күштердің есептік-жабдықтау бірліктерін қалыптастыру процесін автоматтандыру жоспарлануда.

Сонымен қатар, «Әскери басқарманың жергілікті цифрлық органы» пилоттық жобасын Нұр-Сұлтан қаласы мен Алматы облысының жергілікті әскери басқарма органдарына енгізу жоспарлануда.

Қазіргі таңда өнеркәсіптік пайдалануға 11 ақпараттық жүйе қабылданды.

Стратегиялық, жедел және тактикалық деңгейдің далалық басқару органдарын автоматтандыру деңгейін арттыру үшін 2020 жылы мобильді орындаудағы Автоматтандыру құралдарының жеті далалық кешенін және жылжымалы немесе кейстік орындаудағы төртеуін алу жоспарлануда.

Қорғаныс Министрлігі, Бас штаб, Қарулы Күштер түрлері, әскер тектері, өңірлік қолбасшылықтар, құрамалар, әскери бөлімдер мен мекемелер арасында ақпарат алмасу үшін деректерді берудің ведомстволық желісін құру жалғасуда. Бұл әскери бөлімдер мен мекемелерді бірыңғай сандық ақпараттық кеңістікке біріктіруге мүмкіндік береді.

Оңтүстік өңірдегі бірқатар әскери нысандар тексерілді

Кездесу барысында министр барлық әскери қызметшілерді келе жатқан Отан қорғаушылар және Жеңіс күнімен құттықтады.  

30 Сәуір 2020 21:32 210

Оңтүстік өңірдегі бірқатар әскери нысандар тексерілді

Қарулы Күштердің алдында коронавирустық инфекциямен күрестен басқа көптеген басқа да кезек күттірмейтін міндеттер тұр, деп хабарлайды ҚР Қорғаныс министрлігінің баспасөз қызметі.

Атап айтқанда, бұл жауынгерлік дайындық пен қорғаныс қабілеттілігінің қажетті деңгейін ұстап тұру, Арыс қаласындағы төтенше жағдай салдарын жою жөніндегі жұмыстарды жалғастыру.

Бүгінгі таңда құрама жасақпен Арыс қаласында ауданы 100 мың шаршы метрден астам жер зерттелді. Қоймалардың маңындағы оқ-дәрі фрагменттерін іздеуді инженерлік барлаудың іздеу топтары жүзеге асырады. Табылған фрагменттердің басым бөлігі қауіпті емес. Металл сынықтарын тазалау, сұрыптау және арнайы жабдықталған алаңға шығару жүргізілуде. Ұнтақтау топтары техникалық аумақта тазартуды жүргізеді.

Жергілікті тұрғындардың өтініштерін қабылдау үшін мобильдік топ кезекшілік етеді. Бұдан басқа, техникалық аумақта инженерлік оқ-дәрілерді түгендеу және ашық алаңда сұрыптау жалғасуда. Арыста барлық әскери инженерлер мен саперлер, басқа да әскери мамандықтардың өкілдері болды. Бір жыл ішінде жарылыс қаупі бар заттармен жұмыс істеу бойынша білікті кадрлар оқытылып, даярланды. Инженерлік-саперлік бөлімшелердің әскери қызметшілері жарылыс қаупі бар металл сынықтарын және жарылмаған пиропатрондар мен капсюльдерді өңдеу бойынша жеке тәсіл әзірлеп, қолдана бастады.

Арыс қаласындағы жиынтық отрядтың жұмысына Қорғаныс министрі Нұрлан Ермекбаев кезекті тексеріс жүргізді. Ротация жоспары бойынша келген жеке құраммен кездесу кезінде ол қауіпсіздік шараларын қатаң сақтау қажеттігін атап өтті.

Сонымен қатар, Шымкент маңындағы әуе шабуылына қарсы қорғаныс әскери бөлімін және елдің әуе шептеріне елдің қауіпсіздігін қорғау жөніндегі міндеттерді орындайтын бөлімшелердің қызметін тексерді.

Алматыда Десанттық-шабуылдау әскерлерінің қолбасшысы әскери қызметшілердің төтенше жағдай режимін қамтамасыз етуге қатысуы туралы баяндады. Алматы гарнизонының әскери қызметшілері коронавирустың таралуына қарсы іс-қимыл жөніндегі барлық іс-шараларға белсенді қатысуда. Күн сайын олар ондаған нысандарды және оған іргелес аумақтарды өңдейді, оның ішінде темір жол вокзалына дезинфекция жүргізеді. Қалаға кіре берістерде қойылған блокбекеттерде тәулік бойы кезекшілік атқарып, патрульдеуге қатысады.

Министр Алматыдан 30 шақырым жерде орналасқан медициналық кешенге барды. Оған 300 орынды күрделі ғимарат, 100 орынды әскери-далалық ұтқыр госпиталь және 500 орынды палаталық госпиталь кіреді. 

Айта кету керек, қазіргі таңда жеке ғимаратта, ауруханалардың бірінде медициналық қызметкерлерді орналастыру үшін жағдай жасалған. 70 дәрігер мен медбикеден тұратын бригада орналасқан. Олар үшін қажетті жағдай жасалып, үш рет тамақтану ұйымдастырылған. Далалық және палаталық госпитальдарда коронавирусы бар пациенттерді диагностикалау және емдеу үшін қажетті жабдықтар бар, объектілерге инженерлік коммуникациялар жүргізілген, объектілер тәулік бойы күзетілуде.

Цифрландыру нәтижесінде бюджетке қосымша 520 млрд теңгеге жуық қаржы түсті

Үкімет отырысында салық және кедендік әкімшілендіру мәселелері қаралды. 

03 Желтоқсан 2019 12:05 243

Цифрландыру нәтижесінде бюджетке қосымша 520 млрд теңгеге жуық қаржы түсті

Фото: primeminister.kz

Биыл 10 айдың қорытындысы бойынша мемлекеттік бюджетке түсімдердің өсу қарқыны 14% құрады, бұл өткен жылдың осындай кезеңімен салыстырғанда 911 млрд теңгеге артық. Бұл туралы премьер-министрдің бірінші орынбасары – Қаржы министрі Әлихан Смайылов баяндады. 

Министр «АСТАНА-1», «Е-терезе», «Электронды шот-фактуралар», «Виртуалды қойма», «Тәуекелдерді басқару жүйесі» ақпараттық жүйелері сынды бірқатар цифрлық жобалар іске асырылып жатқанын атап өтті.

Оның айтуынша, аталған бастамалар салық және кеден операцияларын жүргізуді жылдамдатып, ашықтығын арттырады. 

Мемлекеттік кіріс органдары жүйесін цифрландырудың нәтижесінде бюджетке қосымша 520 млрд теңгеге жуық қаржы түскен.