/img/Group 538png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 406,30 Brent 36,55
Инфляция дәлізі 6-8% болуы мүмкін – Ұлттық банк төрағасы

Инфляция дәлізі 6-8% болуы мүмкін – Ұлттық банк төрағасы

Акция нарығы орта есеппен 11-12% өсті.

12 Мамыр 2020 12:24 137

Инфляция дәлізі 6-8% болуы мүмкін – Ұлттық банк төрағасы

Ұлттық банк төрағасы Ерболат Досаев үкімет отырысында Қазақстанның экономикалық белсенділігіне әсер еткен сыртқы факторлар жайлы мәлімдеме жасады. Ол мұнай бағасының құлдырауы мен төтенше жағдай режимі ел экономикасына да, әлем экономикасына да соққы болып тигенін айтты. 

«Сәуірде ауқымды фискалдық және монетарлық ынталандыру аясында әлемдік тауар және қаржы нарығындағы ахуал қалпына келе бастады. Әлемнің бірқатар елдерінің біртіндеп карантиннен шығуына байланысты қор алаңдары өсудің оң аймағына ауысты. Осы айда акция нарығы орта есеппен 11-12% өсті», – деді Ерболат Досаев.

Ұлттық банк төрағасы10 сәуірде ОПЕК+  ұйымы мұнай өндірісін күніне 9,7 млн баррельге қысқарту туралы келісімге келгенін еске салды.  

«Бастапқыда мұнай қорының ұлғаюы мен шикізатқа сұраныстың қатты төмендеуінен қауіптену себебінен ОПЕК+ келісімі шикізат нарығындағы ахуалды жақсартқан жоқ. Салдарынан Brent маркалы мұнайдың бағасы 22 сәуірдегі сауда-саттықта бір баррелі үшін 15,98 АҚШ долларына дейін ең төмен белгіге түсті. Сәуірдің соңында мұнай бағасы бір барреліне 25,27 АҚШ долларына жетті. Мұнай бағасының және әлемдік сұраныстың төмендеуі және төтенше жағдай мен карантиннің енгізілуі ел экономикасының белсенділігін бәсеңдетті», – деді Ерболат Досаев.

Ұлттық банк төрағасы іскерлік белсенділікті қолдау мен экономиканы несиелеуге қолайлы жағдай жасау үшін қаржы реттеушісі 6 сәуірден бастап базалық мөлшерлемені  9,5% дейін төмендеткенін мәлімдеді.

«Ұлттық банктің бағалауы бойынша, әлемдік шикізат нарығындағы ахуалдың оң дамуы және сыртқы жағдайдың жақсаруы барысында инфляция дәлізі биылғы мұнай бағасының бір баррель үшін 35-40 долларға өскен жағдайда 6-8% болуы мүмкін», – деді Ерболат Досаев.

Қанат Махамбет

Фото: newskaz.ru

Негізгі капиталға салынған инвестициялар 18 ірі қалада 1,5 есе артты – Руслан Дәленов

Үкімет отырысында Өңірлерді дамытудың 2025 жылға дейінгі мемлекеттік бағдарламасының жобасы қаралды. 

03 Желтоқсан 2019 11:37 307

Негізгі капиталға салынған инвестициялар 18 ірі қалада 1,5 есе артты – Руслан Дәленов

Фото: primeminister.kz

Бүгінде елімізде 17 өңірде 87 қала мен 6,5 мың ауыл бар. 2015 жылдан бастап урбандалу деңгейі 58,2%-ға дейін өсті. Миллион тұрғыны бар қалалар саны 3-ке жетті. Негізгі капиталға салынған инвестициялар 18 ірі қалада 1,5 есе артты. Ұлттық экономика министрі Руслан Дәленов бүгін үкімет отырысында осындай көрсеткіштерді атады.

Ұлттық экономика министрі атап өткендей, Орталық Азия елдері арасында Қазақстанның урбандалу деңгейі ең жоғары – 58,%, алайда ол Экономикалық ынтымақтастық және даму ұйымы елдеріне қарағанда төмен. Ол елдерде бұл көрсеткіш 77% құрайды. Урбандалу деңгейін 1%-ға арттырғанда, жалпы ішкі өнімнің өсімі 0,12% құрайды. Сәйкесінше, урбандалу деңгейі жоғары болған сайын халықтың табысы да жоғары болады.

Бағдарламаны іске асыру шеңберінде мемлекеттік бағдарламалар, аумақтарды дамыту бағдарламалары, кешенді жоспарлар және стратегиялар синхрондалатын болады. Кешенді іс-шараларды іске асыру есебінен еңбек, қаржы ресурстарының экономикалық шоғырлануына қол жеткізіледі. 

Министрдің айтуынша, ауылдық өндірушілер үшін ауқымды нарық қалыптастырылады, шикізаттық емес жалпы ішкі өнімнің өсуі қамтамасыз етіледі.

Бензиннің литрі 160 теңге болуы мүмкін

Акциз құнының инфляцияға әсері 0,35%-ды ғана құрайды. 

26 Қараша 2019 12:20 552

Бензиннің литрі 160 теңге болуы мүмкін

Ұлттық экономика министрлігі салық және кеден саясаты департаментінің директоры Азамат Әмрин үкімет отырысында осындай болжам жасады. Акциздің көтерілуі бензин бағасына әсер ететінін бүкпесіз баяндаған департамент директоры:  «Қазіргі таңда бензин бағасының акцизі 8 теңге, бензинің литрі 150 теңге болып тұр. Біз акциз ставкасын 10 500 теңгеден 24 435 теңгеге арттырдық. Осыдан бір литр  бензиннің бағасына 10 теңге қосылады.  Яғни, акциз 8-ден 18 теңгеге көтерілді. Осылайша, баға шамамен 8 пайызға – 150-теңгеден 160 теңгеге көтеріледі. Бұл жерде акциз баға реттеудің негізгі әрі жалғыз фактор емес екенін ескеру қажет», – деді.

Азамат Әмриннің айтуынша, баға 10 теңгеге көтерілмеуі де мүмкін. 

«2015 жылы бағаны 4,5 мың теңгеден бүгінгі 10,5 мың теңгеге өсірдік. Ал 2015 жылы бензин бағасы көтерілген жоқ», – деді ол. 

Оның пікірінше, бұл өзгеріс инфляцияға әсер етеді. 

«Біз инфляцияға ықпал ететін әсерді талдап көрдік. Тұтыну бағасының  индексі тауарлардың 500 түрімен есептелетінін білесіздер. Олардың үшеуі АИ-93, АИ-95, АИ-98 бензиндері. Олардың үлесі 0,6%-ды құрайды. Осыған байланысты инфляцияға 0,35% ғана әсері болады. Яғни ұлттық банк болжаған 4-6%-дық деңгейден аспайды. Қаулы жобасы мемлекеттік органдардың мақұлдауына жолданды. Салалық мемлекеттік органдармен келіскеннен кейін шешім үкімет отырысына жіберіледі. Онда нақты шешім қабылданады», – деді Азамат Әмрин.

Қанат Махамбет