/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Қазақстанда туристік нысандар жұмысының алгоритмі әзірленді

Қазақстанда туристік нысандар жұмысының алгоритмі әзірленді

Премьер-Министрдің орынбасары Ералы Тоғжановтың төрағалығымен өткен селекторлық отырыста министрліктер, «Атамекен» ҰКП және өңірлер әкімдіктерінің басшылығының қатысуымен Қазақстанда туризм маусымын жандандыру мәселелері қаралды.  

01 Маусым 2020 19:58 152

Қазақстанда туристік нысандар жұмысының алгоритмі әзірленді

Отырыста Төтенше жағдай кезінде Үкімет тарапынан бұл салаға мүлік салығынан және еңбекақы төлеу қорынан салық төлеу мен басқа да төлемдерден босату тұрғысынан мемлекеттік қолдау көрсетілгені аталып өтті, деп хабарлайды primeminister.kz.

Сонымен қатар, заңнамалық деңгейде туристік салаға қосымша қолдау көрсету шаралары қаралып жатыр:

туристік объектілерді жаңадан салу, реконструкциялау және жабдықтау кезінде инвестиция сомасының 10%-ын өтеу және преференция беру;

әр шетелдік турист үшін туроператордың шығындарын субсидиялау;

әуе компанияларына ішкі әуе бағыттары бойынша балалардың жол ақысын 100% өтеу;

кәсіпкерлік субъектілерінің жол бойындағы нысандарды салу және қызмет көрсету бойынша шығындарының 25%-ын өтеу;

туроператорлар мен турагенттіктердің туристік көлік құралдарын сатып алу шығындарының 25%-ын өтеу.

2019-2025 жылдарға арналған туристік саланы дамыту мемлекеттік бағдарламасы аясында 44 туристік жобаға инфрақұрылым жүргізу мақсатына республикалық бюджеттен 51,5 млрд тг қаражат бөлінді. Бұл – аталған саланы қолдаудың рекордтық көрсеткіші деуге болады.

Кеңесте Қазақстанда туризм маусымын бастауға толық дайындық жасалғаны хабарланды: туристік нысандардың жұмыс алгоритмі әзірленді, жолаушыларды тасымалдаудың авиа, теміржол және автобус маршруттары іске қосылған.

Кеңес қорытындысы бойынша Премьер-Министрдің орынбасары Е. Тоғжанов өңірлердің әкімдіктеріне туристік объектілердің дайындығы туралы актілерді беру жұмысын жеделдетуді, жаңа туристік бағдарлар мен толыққанды ақпараттар жиынтығын жасауды, сондай-ақ аталған салаға инвестиция тарту жұмысын күшейтуді тапсырды.

 

Ортамерзімді экономикалық даму жоспары әзірленеді

Мемлекеттік органдардың бірінші басшыларына жауапкершілік жүктеледі. 

28 Қаңтар 2020 09:44 233

Ортамерзімді экономикалық даму жоспары әзірленеді

Президент Қасым-Жомарт Тоқаевтың үкіметтің кеңейтілген отырысында берген тапсырмаларын орындау үшін елімізде ортамерзімді экономикалық даму жоспары әзірленеді. Бұл үшін премьер-министр Асқар Мамин басқаратын жұмыс тобы құрылады. 

«Мемлекет басшысы үкіметтің кеңейтілген отырысында 80-нен астам тапсырма жүктеді. Бізге уақыт оздырмай, тапсырмаларды орындау қажет»,– деді ұлттық экономика министрі Руслан Дәленов үкімет отырысында сөйлеген сөзінде.

Министрдің мәлімдеуінше, бүгінге дейін «Техникалық реттеу туралы» заң, бюджет кодексіне өзгерістер және денсаулық кодексі қабылданып, ақша-кредит саясаты стратегиясы, сауда саясаты бағдарламасы және су ресурстарын басқару бағдарламасы бекітілген. 

«Жоғарыда аталған заңдар мен бағдарламаларды Президенттің тапсырмасын орындау барысында қолданамыз», – деді Руслан Дәленов.

Оның пікірінше, премьер-министр басқаратын жұмыс тобын 10 шағын топқа бөлу қажет. Әр топ әр бағытта жұмыс істеуі керек .

«Мемлекеттік органдардың бірінші басшылары шағын топтарды басқарады және оларға дербес жауапкершілік жүктеледі», – деді ол.

Министрдің айтуынша,  жұмысқа сараптамалық қоғамдастық  пен «Атамекен» ұлттық кәсіпкерлер палатасының өкілдері жұмылдырылады.  

Қанат Махамбет

Altyn Oimaq байқауының Гран-приін Алина Данилова жеңіп алды

Үкімет басшысы үздіктерді марапаттады. 

13 Желтоқсан 2019 13:28 247

Altyn Oimaq байқауының Гран-приін Алина Данилова жеңіп алды

Премьер-министр Асқар Мамин ҚР Президентінің «Алтын сапа» сыйлығы байқауының лауреаттарын, ALTYN OIMAQ дизайнерлер байқауының және «Парыз» бизнестің әлеуметтік жауапкершілігі сыйлығының жеңімпаздарын марапаттады. 

Асқар Мамин Алматы ауыр машина жасау зауытына, Орал трансформатор зауытына және «AZAM-KC» ЖШС-ға «Өндірістік мақсаттағы үздік кәсіпорын» аталымының жеңімпазы атанғаны үшін «Алтын сапа» сыйлығының мүсіншелерін табыстады. 

Премьер-министр «Парыз» бизнестің әлеуметтік жауапкершілігі байқауының 
«Еңбекті қорғау саласындағы үздік кәсіпорын» аталымында топ жарған 
С.Киров атындағы «Машина жасау зауыты» АҚ-ға, «Үздік ұжымдық шарт» аталымында «АқсайГазСервис» АҚ-ға және «Қоршаған ортаға қосқан үлесі үшін» аталымында үздік деп танылға «Байкен-U» ЖШС-ға құрмет көрсетті.

Ал Altyn Oimaq байқауының гран-при жүлдесін Алина Данилова жеңіп алды. 

Қанат Махамбет