/img/tv1.svg
RU KZ
FTSE 100 5 671,96 РТС 1 014,44
KASE 2 224,17 DOW J 21 921,63
Hang Seng 23 498,22 Алтын 1 594,60
Оқ-дәрілерді сақтаудың қауіпсіздігін күшейтетін құжат қабылданды

Оқ-дәрілерді сақтаудың қауіпсіздігін күшейтетін құжат қабылданды

Заң жобасы төтенше жағдайдың алдын алуды көздейді.

26 Наурыз 2020 13:39 45

Оқ-дәрілерді сақтаудың қауіпсіздігін күшейтетін құжат қабылданды

Мәжілістің жалпы отырысында «Қазақстан Республикасының кейбір заңнамалық актілеріне Қарулы Күштердің, басқа да әскерлер мен әскери құралымдардың арсеналдары, базалары мен қоймалары жанындағы тыйым салынған аймақтар мен тыйым салынған аудандар мәселелері бойынша өзгерістер мен толықтырулар енгізу туралы» заң жобасы мақұлданды.

Құжат Қарулы Күштердің, басқа да әскерлер мен әскери құралымдардың оқ-дәрілері арсеналдарының, базалары мен қоймаларының қауіпсіз жұмыс істеуін, сондай-ақ оқ-дәрілерді сақтау кезінде төтенше жағдайдың туындауы мүмкін болған кезде халықты, азаматтық және басқа да инфрақұрылымды қорғауды қамтамасыз ету бойынша заңнаманы одан әрі жетілдіруді көздейді. 

Қанат Махамбет 

inbusiness.kz-ті қараңыз, оқыңыз :

«Зияткерлік робот» ұғымы айқындалып, робот иесінің жауапкершілігі бекітіледі

«Жеке венчурлік инвесторды» анықтау жөніндегі норма енгізіледі.  

18 Наурыз 2020 13:31 63

«Зияткерлік робот» ұғымы айқындалып, робот иесінің жауапкершілігі бекітіледі

Цифрлық даму, инновациялар жəне аэроғарыш өнеркəсібі министрі Асқар Жұмағалиев мәжілістің  жалпы отырысында тың ұсыныс жасады. Ол мұнай мен уран өндірісі салаларының ғылыми зерттеуге бөліп жатқан қаржының 
1%-ын цифрландыру жобаларына бағыттау қажеттігін алға тартты. 

«Отандық IT-компанияларды дамыту үшін мемлекеттік органдар кәсіпкерлікпен айналыспауы керек. Осыған орай, цифрлық жобаларды құру мен дамытудағы квазимемлекеттік сектор функцияларын алып тастауды ұсынамыз. Бұдан қоса мұнай және уран өндіру саласында ғылыми зерттеу жұмыстарына бөлінген шығыстардың 1%-ын цифрландыру жобаларына бағыттауды  ұсынамыз», – деді Аcқар Жұмағалиев «Қазақстан Республикасының кейбір заңнамалық актілеріне цифрлық технологияларды реттеу мәселелері бойынша өзгерістер мен толықтырулар енгізу туралы» заң жобасы туралы баяндама жасағанда. 

Министрдің мәлімдеуінше, венчурлік қызметті ынталандыру мақсатында «Жеке венчурлік инвесторды» анықтау жөніндегі норма енгізіледі.  

«Осы нормаларды енгізу арқылы 2024 жылға қарай инновациялық стартап компаниялардың санын 450-ге дейін ұлғайту мүмкіндігіне ие боламыз», – деді Аcқар Жұмағалиев.

Министрдің сөзінше, болашақта «Зияткерлік робот» ұғымы айқындалып, робот иесінің жауапкершілігі бекітіледі. 

«Заң жобасында жедел төлемдер жүйесін енгізу бойынша нормалар реттелген. Жүйені құру – халыққа, шағын бизнеске кез келген уақытта тез ақша аударуға мүмкіндік береді», – деді Асқар Жұмағалиев. 

Қанат Махамбет

Кімдер, не үшін мемлекеттік органдарға сенімсіздікпен қарайды?

Халықтың 51%-ның мемлекеттік органдарға деген сенімі төмендеген.

18 Наурыз 2020 12:05 78

Кімдер, не үшін мемлекеттік органдарға сенімсіздікпен қарайды?

Тұтынушылардың құқықтарын қорғау саласында «Бір терезе» қағидаты бойынша шағымдарды қабылдаудың бірыңғай ақпараттық жүйесін құрылады. Бұл туралы сауда және интеграция министрі Бақыт Сұлтанов мәжілістің жалпы отырысында айтты. 

«Мемлекеттік органдар мен үкіметтік емес ұйымдар тұтынушылардың құқықтарын қорғау саласындағы рөлі мен міндетін әркелкі түсінеді. Бұл шынайы статистиканы қалыптастыруға, осы саладағы жүйелі проблемаларды анықтауға және шешуге мүмкіндік бермейді. Салдарынан халықтың 51%-ының тұтынушылық құқығын қорғау бойынша мемлекеттік органдарға деген сенімі төмендеген», – деді Бақыт Сұлтанов.

Министрдің мәлімдеуінше, бірыңғай ақпараттық жүйе тұтынушылардан келіп түскен шағымдарға мониторингін жасауды қамтамасыз етеді және объективті статистиканы қалыптастыруға, сараптама жасауға мүмкіндік береді.

«Шағымдарды талдау нәтижелері тұтынушылардың құқықтарын қорғау жөніндегі ведомствоаралық кеңесте қаралады. Ол проблемалық құқықтық актілерді дереу өзгертуге мүмкіндік береді және мемлекеттік органдар қабылдайтын шешімдердің тиімділігін бақылауды қамтамасыз етеді», – деді Бақыт Сұлтанов.

Қанат Махамбет

Жаңалықтарға жазылу: