Қалған 6 адам амбулаториялық ем қабылдап жүр, деп хабарлайды inbusiness.kz сайты Otyrar.kz-ке сілтеме жасап.
Дәрігерлер биыл күн жылып, қарақұрт жылдағыдан ерте шыққанын айтты. Әсіресе табиғат аясына шыққанда барынша мұқият болуды ескертті.
"Қарақұрт шаққанда аса білінбейді. Бірақ, мұның соңы өлімге әкелуі мүмкін. Егер 2 тәулікте ауруханаға барып, медициналық көмекке жүгінбесе адамның денсаулығы нашарлауы мүмкін", – деді О.Орынбаев атындағы жоғарғы қысымды оттегімен емдеу орталығының бас дәрігері Мадина Ермаханбетова.
Қарақұрт шаққанда не істеу керек?
Қарақұрт – әлемдегі ең қауіпті деп саналатын өрмекші. Оны "қара жесір" деп те атайды, бұл атауды бәрі естіген де шығар.
Өрмекшілердің адамдармен кездесулері, олардың қоныс аударуы кезінде орын алады, көбінесе қарақұрттар ұя салу және өздеріне сыртқы қап тоқу үшін жақсы қорғалған жерлерді іздейді.
Қазақстанда қарақұрттар құрғақ және шөлді жерлерде, құмды және тасты жағажайларда, төмен өсімдіктер арасында мекендейді және көбейеді, жерге жақын тұрады. Қарақұрт өрмекші үйлерге қоныстанбайды. Ол ешқашан көпқабатты үйде тұрмайды, өйткені ол даланы, құмды және жылуды жақсы көреді.
"Қарақұрт шаққанда алғашында ауырсыну болмайды. Шаққан орын болмашы қызарып, теріде екі нүкте сияқты із қалады. 5-20 минуттан соң ауырсыну бірден басталып, бүкіл денеге жайылады. Құрысу, тершеңдік, бас пен іштің ауруы, жүрек жеткіліксіздігі, тыныстың тарылуы. Мұның бәрі қарақұрт шаққаннан кейін басталуы мүмкін", - дейді дәрігер.
Денеде тістеген жерді табу қиын, өйткені өрмекші теріні тістей алмайды. Алайда, тістегеннен кейін көп ұзамай улану бүкіл денеге таралады және адамда өткір ауырсыну синдромы пайда болады, көбінесе ауырсыну бел жақты пайда болады, іште, кейде белдің өзінде жүреді, қыздыра ауырту шағу орнынан жоғары көтеріледі, ентігу, жүрек соғу жиілігі, бас ауруы, құсу пайда болып, адам қатты терлей бастайды.
Сізді улы өрмекшілер шағып алмау үшін-оларды ешбір жағдайда қолыңызға алмаңыз, ұстап алуға және ыдысқа салуға тырыспаңыз. Келесі кеңестерді сақтай отырып, сіз жабайы табиғатта – жаяу серуендеуде, аң аулауда немесе балық аулауда өзіңізді улы өрмекшілерден қорғай аласыз.
Табиғатта, оның мекендейтін жерлерінде қарақұртқа тап болмас үшін қажетті сақтық шараларын сақтау ұсынылады:
- ашық далада жалаң аяқ жүрмеу;
- тығыз жабық аяқ киім киіңіз;
- мата күркенің кіреберісін мықтап жабыңыз немесе жабындыларды қолданыңыз;
- демалыс уақытында киімдер мен аяқ киімдерді немесе серуендеу алдында, оларды киер кезінде мұқият тексеріңіз.
Егер сізді қарақұрт шағып алса, мүмкіндігінше тезірек жақын маңдағы емханаға, ауруханаға, фельдшерлік пунктке барып көмек сұраңыз немесе жедел жәрдем шақыруыңыз қажет.
