"Тұрмыстық зорлық-зомбылық оқиғаларының саны мен оған байланысты қолданылатын жаза көлемі бір-біріне пара-пар келмейді. Мұндай қылмыс түріне байланысты қолданылатын жазаның жеңілдігі шағымданушылардың аз болуына немесе тіпті зорлық көрсе де шағымданбауына түрткі болуы мүмкін", – дейді Zertteu Research Institute Қоғамдық қорының директоры Шолпан Әйтенова.
Жүргізілген зерттеулер қорытындысына сәйкес, қазіргі елімізде қолданылатын тұрмыстық зорлық-зомблықпен күрес жүйесі зардап шеккен тараптың құқын барынша қорғауға ықпал ете алмайды және зорлық-зомбылықтың қайталануына тосқауыл бола алмайды.
Шолпан Айтенованың дерегінше, Құқық қорғау Академиясы жүргізген зерттеулерге сәйкес, тұрмыстық зорлық-зомбылыққа ұшыраған жандардың 70 тен 90%-іне дейін құқық қорғау органдарына шағымданбайды. Сондықтан 2021 жылы тұрмыста зорлық көрдім деп шағымданған 114 000 адамдар, нағыз зардап шеккен жандардың ¼ бөлігі ғана болуы мүмкін. 2021 жылы Қазақстан бойынша 500 мыңға жуық адам тұрмыстық зорлық-зомбылыққа душар болуы ықтимал, дейді спикер.
Бұдан бұрын хабарлағанымыздай, Қазақстандағы Фридрих Эберт Қорының өкілдігі, "Дағдарыс орталықтарының одағы" ЗТБ және "Zertteu Research Institute" қоғамдық қоры. "Қазақстандағы тұрмыстық зорлық-зомбылыққа қарсы күреске арналған шығындарды талдау және бағалау" зерттеуінің алдын ала қорытындыларын жариялады
