Бүкіләлемдік бокс сериясында (WSB) өнер көрсететін елордалық "Астана арландары" ширек финалдық жекпе-жектерін Алматы қаласында өткізеді, деп хабарлайды vesti.kz.
Ширек финалда өнер көрсететін командалар екі кездесу – өз алаңында және түзде өткізеді. "Астана арландарының" ширек финалдағы бірінші кездесуі 20 мамыр күні 12 мың жанкүйер сыятын "Алматы Арена" спорт кешенінде өтеді. Кездесудің билеттерін мына сілтеме арқылы сатып алуға болады.
"Арландардың" ширек финалдағы қарсыласы әлі анықталған жоқ. Қазірдің өзінде Нұрлан Ақүрпеков баптайтын команда ширек финалдың жолдамасын еншілеп қойды. Бірақ өз тобында нақты қай орынмен екені белгісіз. Егер 21 сәуір күні біздің команда түзде "Қытай айдаһарларынан" үстем түсетін болса, онда топтан бірінші орынмен шығады.
Қазіргі уақытта "Астана арландары" С тобында 12 ұпаймен бірінші орында келеді. Екінші орында 9 ұпайы бар "Өзбек жолбарыстары" жайғасса, "Ресей патриоттары" 7 ұпаймен үшінші, еншісінде 3 ұпайы бар "Қытай жолбарыстары" соңғы орында тұр.
