/img/tv1.svg
RU KZ
Ішкі нарыққа бейімделген сауатты инвестициялық идея тапшы

Ішкі нарыққа бейімделген сауатты инвестициялық идея тапшы

ШОБ-қа арналған инвест алаңдар тек Астана мен Алматыда ғана емес, мұнайлы өңірлерде де ашылуы керек.

10:06 14 Желтоқсан 2017 1942

Ішкі нарыққа бейімделген сауатты инвестициялық идея тапшы

Автор:

Гүлбаршын Сабаева

Алматыда кәсіпкерлер мен Қазақстандағы қор нарығының қатысушылары «ҚазынаКапиталМенеджмент» (ҚКМ) компаниясының ұйымдастыруымен «Қазақстанда шағын және орта бизнес компаниялары үшін сауда алаңдарын жасау мүмкін бе?» деген тақырыпта өткен ашық диалог алаңында бас қосты.

Жиында ҚКМ басқарма төрағасы Асқар Достияров тікелей инвестиция қорларының қатысуымен ШОБ үшін сауда алаңдарын құру мүмкіндігі қарастырылып жатқанын айтты.

«Тікелей инвестиция ағымы қаржылық нарықтың дамуына тәуелді. Қаржы нарығында қаржы құралдарының жетіспеуі ШОБ-қа және инвестициялық қорларға сонымен қатар қазақстандық компанияларға  «private equity» жүйесінің жолын жауып, инвестор тартуда қиындық туғызады. Біз осының алдын алу үшін әрекет етуіміз керек», – деді ол.

Ал KASE-нің басқарма төрағасы Алина Алдамбергенова Қазақстанда құнды қағаздармен, деривативтермен жұмыс істейтін 4 қор нарығы  бар екенін атап көрсетіп, тартымды эмитент пен инвестициялық тартымды нарық қалыптастыру үшін қор нарығы мен қаржы құралдарының қатарын көбейту қажет екенін тілге тиек етті.

«Стартаптан бастап IPO-ға дейін дамыту стратегиясын дайындауымыз керек. ШОБ бизнес бастаған кезде венчурлық капиталға басымдық береді. Ал стартап жоба инвестор тартуға көмектестеді. Біз ҚКМ-де қор нарығына шығуға дайын компаниялар бар екенін білеміз», – деді Алина Алдамбергенова.

Басқосу барысында ҚКМ нарықты дамытудың бірнеше нұсқасын ұсынды. Соның ішінде тікелей инвестиция қорларының қор нарығына енуі  туралы ұсынысты кәсіпкерлер мақұлдамады. Олар бұл мәселені жан-жақты талқылап, сараптап алуды жөн көретіндерін жеткізді.

Кәсіпкерлердің пікірінше, Қазақстан қор биржасы негізінде құрылған сауда алаңы биржадан тыс нарық пен мамандандырылған инвестициялық құралдарды пайдалануға әлі дайын емес.

ҚКМ басшысы Асқар Достияров мұның себебін тікелей инвестициялық қорлардың ШОБ-қа қызығушылығының төмен екендігімен түсіндіреді. Ұққанымыз, бізде қор нарығы дұрыс дамымаған. Алайда олардың барлығы дамып келе жатқан компания тауып, оған ақша салып, 5-7 жыл ішінде пайда көруді қалайды. Сатып алушылардың саны шектеулі болғандықтан қазақстандық қор нарығы жобаларды іздеу барысында серіктестіктің қаржылық жағдайына және тартымдылық деңгейіне көңіл бөлуге  мәжбүр болады екен.

«Алдағы уақытта Қазақстанда ШОБ үшін сауда алаңы пайда болуы мүмкін. Жаңа алаң инвесторларға ШОБ жобаларына қатысуға сонымен қатар КАSE үшін қаржылық құралдар мен клиенттер базасын көбейтуге мүмкіндік береді. Қазақстанда тікелей инвестициялық қорларды нарыққа араластырудың кезі келгенін бәрі мойындайды. Қазір бұл идея пісіп, жетіліп тұр», – деді Асқар Достияров.

Өз кезегінде «Асыл» қаржылық тобы директорлар кеңесінің төрағасы Ғабиден Балғынбеков ҚКМ-ның ШОБ үшін сауда алаңын құру туралы ұсынысы инвесторлардың оң жамбасына келетінін атап көрсетті.

«Қазір қаржы тек қорда немесе банктерде ғана емес, жеке адамдарда да бар. Ел ішінде қор биржасы арқылы пайда тапқысы келетіндердің қатары да аз емес. Бізге  ішкі нарықтың мүмкіндігіне бейімделген сауатты инвестициялық идея ғана  жетпейді», – деді  директорлар кеңесінің төрағасы.

Оның ойынша, ел ішінде сауатты инвестициялық жобаға қолы жетпей, қаржысын далаға шашып жүрген кәсіпкерлер көп. Халықтың табыс табуға бағытталған ықыласы түзу, бірақ бағыты айқын емес. Қор нарығына қатысты осыған дейінгі ұсыныстарда да мін болған жоқ, алайда оның ешқайсысы жүзеге аспады. Егер ұсыныстардың барлығы ішкі нарықтың табиғатымен үйлесіп кеткенде біз нарықтың дәл осы сегментін Лондон я болмаса Сингапур мен Шанхайдағы қор биржаларының деңгейіне жеткізген болар едік.

«Қор биржалары туралы ауылдағы ағайынның түсінігі төмен. Сондықтан ҚКМ, қор биржалары өкілдері, брокерлер жиі бас қосып тұратын инвест алаңдар тек Алматы мен Астанада емес, мұнайлы өңірлерде де ашылуы керек, – деп түйді ойын Ғабиден Балғынбеков. 

Гүлбаршын Сабаева

Халықаралық қаржы ұйымдарының 28 облигациясы шығарылды

Мемлекеттік бағалы қағаздар нарығындағы сауда көлемі 15,6 трлн теңгеге жетті.

19 Қыркүйек 2020 18:06 1729

Фото: Максим Морозов

Тамыз айында Қазақстан қор биржасындағы (KASE) сауда-саттықтың жиынтық көлемі 7 млрд 995 млн теңгені құрады. Бұл шілде айымен салыстырғанда 6,8% немесе 586,2 млрд теңгеге кем көрсеткіш.

Есептік кезеңде KASE индексінің мәні 1,2% өсті. Акция нарығын қаржыландыру 1,9% немесе 332,4 млрд теңгеге артып, 17,9 трлн теңгеге жетті. Ал саудаланған корпоративтік қарыз көлемі 4,1% немесе 561,4 млрд теңгеге ұлғайып, 14,3 трлн теңгеден асты.

Өткен айда KASE сауда-саттық тізімінде 139 эмитенттің 123 акциясы орналастырылып, 3 шығарылым листингтік емес бағалы қағаздар секторында сатылды. Шілде айымен салыстырғанда акция саудасы 37,2 млрд теңгеге артып, 48,5 млрд теңгені құрады. Сауданың орташа күндік көлемі 2,4 млрд теңге болды.

Қыркүйек айының басында KASE сауда-саттық тізіміне 182 эмитенттің 446 бағалы қағазын тіркеді. Осы кезде орталық депозитарийде жеке тұлғалардың 124 436 есепшоты болды.

Корпоративтік облигациялар нарығында оң сальда тіркелді. Тамыз айының соңында KASE ресми тізіміне 70 эмитенттің 262 корпоративтік облигациясы орналастырылды. Корпоративтік борыш саудасы 561,4 трлн теңгеге артып, 14,3 трлн теңгені құраса, корпоративтік облигация нарығының жиынтық көлемі 257,5 млрд теңгеге жетті. Корпоративтік облигацияның алғашқы нарығында құны 251,7 млрд теңгені құрайтын 6 эмитенттің 6 облигациялық шығарылымы орналастырылды. Өсім шілде айындағы көрсеткіштен 2,6 есе немесе 154,4 млрд теңгеге артық болды.

Корпоративтік облигацияның қайталама нарығындағы инвесторлардың негізгі санаттары бойынша екінші деңгейлі банктердің үлесі - 5,5%, брокер-дилерлердің үлесі - 0,2%, институционалдық инвесторлардың үлесі - 13, %, заңды тұлғалардың үлесі - 80,1% және резидент еместердің қатысу үлесі - 0,5% құрады. Тамыз айында қайталама нарықтағы сауда көлемі шілде айындағы көрсеткіштен 53,4% немесе 6,6 млрд теңгеге төмендеп, 5,8 млрд теңгеге түсті.

Мемлекеттік бағалы қағаздар нарығындағы сауда көлемі 15,6 трлн теңгеге жетті. Сауданың орташа күндік көлемі 20,3 млрд теңгені құрады.

Тамызда KASE тізімі арқылы Азиялық даму банкі, Еуразиялық даму банкі, Еуропалық қайта құрылымдау және даму банкі, Еуропалық инвестициялық банкі сынды халықаралық қаржы ұйымдарының 28 облигациясы шығарылды.

Абылай Бейбарыс

ШОБ жыл аяғына дейін бірнеше төлем мен салықтан босатылады

Несиенің 6 айыздық мөлшермелесін мемлекет субсидиялайды.

01 Қыркүйек 2020 16:45 3104

Ұлттық банк ШОБ нысандарының қаражат айналымын толықтыруға 800 млрд теңге шығындайды. Президент Қасым-Жомарт Тоқаев Жолдауда сол үшін қосымша 200 млрд теңге бөлуді тапсырды.

«Шағын және орта бизнес пандемияның негізгі соққысын өзіне қабылдап, күрделі кезеңді өткеруде. Індеттің жағымсыз экономикалық әсерін еңсеру үшін 700 мыңнан астам кәсіпкерге салық жеңілдігі ұсынылған болатын. Төлемдер шегеріліп, несиелерін жеңілдетілген шартпен қайта қаржыландыруға мүмкіндік берілді. Бірақ жағдай әлі қиын. Шағын және орта бизнеске қосымша көмек ретінде экономиканың зардап шеккен саласына жататын ШОБ нысандарының әрекеттегі несиесі бойынша пайыздық мөлшерлеменің 6 пайызына дейін мемлекеттік субсидиялауды тапсырамын. Субсидия 12 айлық мерзімді қамтуы, яғни төтенше жағдай режимі жарияланған 16 наурыздан бастап есептелуі керек. Ұлттық банк экономиканың ең көп зардап шеккен салалары бойынша ШОБ нысандарының айналым қаражатын толықтыру бағдарламасын іске асыруда. Бұл жолғы дағдарыс жағдайында аталмыш бағдарламаның мерзімін 2021 жылға дейін ұзартып, қамту аясын кеңейту тапсырылды. Бұл мақсаттарға қосымша 200 млрд теңге қарастырылып, бағдарламаның жалпы көлемін 800 млрд теңгеге жеткізген жөн. Сондай-ақ, ШОБ өңілдерінің мемлекеттік және квазимемлекеттік органдарға жылжымайтын мүлік бойынша өтейтін арендалық төлемдерін жыл аяғына дейін тоқтатуды тапсырамын. Бүгінгі жағдайда жұмыспен қамту және халықтың табысын сақтау – абсолютті басым бағыт. Сондықтан бұл кезеңде барынша зардап шеккенсаланың ШОБ нысандары үшін еңбек ақысын өтеу қорына түсетін жүктемені төмендету маңызды. Бизнестің аталмыш санаты бойынша жыл аяғына дейін еңбекақы төлемдерінен алынатын салымдарды жоюды тапсырамын», – деді Мемлекет басшысы. 

Есжан Ботақара