/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Жоғары жалақы төленетін қызметтер бос тұр

Жоғары жалақы төленетін қызметтер бос тұр

Қазақстанда өз ісінің майталманы саналатын кәсіби мамандар жетіспейді.

10:21 19 Сәуір 2019 2482

Жоғары жалақы төленетін қызметтер бос тұр

Автор:

Жанат Ардақ

Оларға ірі компаниялар миллионмен есептелетін жоғары жалақы ұсынуға даяр. Бірақ бәрібір, жеті мыңдай орын бос тұрған көрінеді.

Ұлттық экономика министрлігі «2019 жылғы Қазақстанның ірі және орта кәсіпорындардағы бос жұмыс орындар және кадрларға қажеттілік туралы» есебін жариялады.

2019 жылғы 1 қаңтарға қызметтердің негізгі кәсіптік топтары бойынша  бос жұмыс орындары (бірлік)

2019 жылғы 1 қаңтардағы жағдай бойынша ірі кәсіпорындардағы қызметкерлердің саны 2 миллион 416,5 мың адамды, ал бос жұмыс орындар саны 28 мың 305 бірлікті құрады. Қызметкерлердің тізімдік санындағы бос жұмыс орындардың үлесі 1,2%.

Бос орындардың басым көпшілігі «кәсіби мамандар» тобына келеді – 6 мың 912 бірлік. Бұл бос жұмыс орындарының жалпы санының 24,4%-ы. «Өнеркәсіп, құрылыс, көлік және басқа тектес қызметтердің жұмысшылары» 6 мың 119 бірлік көлемінде жетіспейді. «Өндірістік жабдық операторлары, құрастырушылары және жүргізушілер» 4 мың 199 көлемде тапшы. «Техник мамандар және басқа да кәсіби көмекші персоналдың» 3 мың 273 орны бос тұр.

2019 жылы қызметтердің негізгі кәсіптік топтары бойынша күтілетін қажеттілік (адам)

Жанат Ардақ

Тимур Құлыбаев: Салық пен айлықты уақтылы төлеген кәсіпорындар қолдауға лайық

«Атамекен» ҰКП жұмыспен қамтуға мониторинг жасайтын ситуациялық орталық құруды ұсынды.  

04 Маусым 2020 19:43 2032

Тимур Құлыбаев: Салық пен айлықты уақтылы төлеген кәсіпорындар қолдауға лайық

Үкімет басшысы Асқар Маминнің төрағалығымен Эконономикалық өсімді қалпына келтіру жөніндегі мемлекеттік комиссияның отырысы өтті. Бейнеконференция форматында өткен жиында карантиннен шыққан кәсіпкерлерді қолдау, жұмыссыздықты тежеу, халықтың сатып алу қабілетін көтеру, өндірісті сұранысқа қарай бейімдеу мәселелері талқыланды.

Жиында «Атамекен» ұлттық кәсіпкерлер палатасының төралқа төрағасы Тимур Құлыбаев экономиканы қалпына келтіруді дағдарысқа дейін табысты жұмыс істеген кәсіпорындарды қолдаудан бастау керек деген ой айтты.

«Бұл жердегі басты мәселе – жұмыспен қамтуды қолдау. Ұлттық палата төтенше жағдай мен дағдарысқа дейін табысты жұмыс істеп, салықты уақытында төлеп, елді жұмыспен қамтып келген кәсіпорындарды қолдау керек деген ұстанымда. Ең әуелі осындай кәсіпорындарға көңіл бөлуді ұсынамын. Әрине, екінші деңгейлі банктердің өз міндеттері бар, реттеуші орган нұсқаған нормативтерді сақтаулары керек. Бірақ осы екінші деңгейлі банктердің қарауына кірмей қалған кәсіпорындар да бар ғой. Бұл жерде Үкіметпен, даму институттарымен бірге осы адамдарға қандай көмек көрсете аламыз дегенді ойластыру қажет. Өйткені, Әсет Өрентайұлы айтқандай, әлеуметтік сипаттағы талаптар мен әлеуметтік шиеленіс арта бермек. Бізге ақылға қонымды шешімдер қабылдау керек», - деген ұлттық палата басшысы қаржылай көмек көрсететін секторды анықтау үшін маусым аяғының қорытындыларын күтуді ұсынды.

«Менің пайымыша, осы айдың ішінде қандай каратиндік шаралар экономиканың әр секторында бизнес жүргізуге қалай әсер еткенін көре аламыз. Мысалы, көлік тасымалына автобустар мен өзге де көліктерде орындар санын қысқарту әсер етті. Бұл салаға қандай көмек көрсете алатынымыз белгілі болады.  Мұндай жағдай қызмет көрсету, турзим салаларына да қатысты. Түсенсіздер ме, бұл кәсіпорындар мейрамханаларда орын санын қысқарту сияқты жаңа шарттармен жұмыс жалғастыруға мәжбүр. Әрине, бұл олардың табысын азайтады.  Маусым айын экономиканың қай секторы көбірек зардап шеккенін түсінуге арнайық. Жұмыспен қамтуға мониторинг жасайтын орталықтың әр өңірде өкілдіктерін құруды ұсынамыз.  Бір ай ішінде жағдайды бағамдасақ, қай секторға қандай қолдау керек екені белгілі болады. Төтенше жағдай енгізгенге дейін олар айлықты, салықты уақтылы төлеп келсе, табысы қықарғаннан кейін қиын жағдайда қалып отыр. Карантин шараларын сақталып тұрған кезеңде біз осы кәсіпорындарды қолдауымыз керек», - деді ұлттық палата басшысы.

Ол, сондай-ақ, мұндай қолдаудың мерзіміне қатысты да пікір білдірді.

  «Біз қолдау шаралары белгілі бір кезеңде іске асатынын талқыладық. Оны түсініп те отырмыз. Бұл бірнеше ай емес, бір жыл шеңберінде, тіпті одан көп болуы мүмкін. Екпе дайын болғанда экономиканың қалыпты қызметіне орала аламыз. Сондықтан маусым айын экономиканың қай секторы көбірек зардап шеккенін анықтауға арнауды ұсынамыз. Біз  ақпарат берейік, әкімдіктер де ақпарат берсін. Біздің ұсыныс – өңірлерде өкілдіктері бар жұмыспен қамтуға мониторинг жасайтын ситуациялық орталық құру. Сол кезде бір ай ішінде қай секторға қандай көмек көрсету керектігін көреміз және талқылаймыз», - деді Тимур Құлыбаев.

Есжан Ботақара

Еңбек нарығының тұрақтылығына қауіп төніп тұр

Азаматтарды жұмыспен қамтуға 123 млрд теңге бөлінеді.  

17 Наурыз 2020 11:47 5240

Еңбек нарығының тұрақтылығына қауіп төніп тұр

Үкімет отырысында еңбек және халықты әлеуметтік қорғау министрі Біржан Нұрымбетов сөз сөйледі. Ол еңбек нарығындағы жаңа Жол картасы туралы баяндады. 

«Осы күнге дейінгі еңбек нарығының жағдайы тұрақты болғанымен, сыртқы нарықта қалыптасып жатқан факторларға байланысты еңбек нарығының тұрақтылығына қауіп туу тәуекелі болжанады. Оның ішінде жұмыскерлердің босатылу мүмкіндігі, жаңа құрылатын жұмыс орындарының азаюы, жұмыссыздық деңгейінің өсуі бар. Елімізде осындай кері әсерлерді болдырмау мақсатында жаппай жаңа жұмыс орындарын құруға бағытталған дағдарысқа қарсы жаңа шараларды қамтитын Жол картасы әзірленіп жатыр»,
– деді министр.

Оның сөзінше, жол картасы әлеуметтік инфрақұрылымдық жобаларды іске асыруды көздейді. 

«Біріншіден, әлеуметтік-мәдени нысандарды, яғни, білім беру, денсаулық сақтау, әлеуметтік қамсыздандыру, мәдениет, спорт, ойын-сауық және демалыс нысандарын қайта құрылымдау, күрделі және ағымдағы жөндеу. Екіншіден, тұрғын үй-коммуналдық шаруашылық нысандарын жаңғырту, күрделі, орташа және ағымдағы жөндеу. Бұл - сумен қамту, кәріз нысандары, газбен, жылумен, электрмен жабдықтау жүйелері. Үшіншіден, инженерлік-көлік инфрақұрылымын жаңғырту, күрделі, орташа және ағымдағы жөндеу жобалары қолға алынады. Оған қалалық автомобиль жолдары, кентішілік және ауылішілік жолдар, кірме жолдар, аудандық маңызы бар жолдар, тротуарлар, бөгеттер, дамба мен көпір жөндеу кіреді. Төртіншіден, елдімекендерді абаттандыру жүргізілед», – деді Біржан Нұрымбетов.

Министрдің мәлімдеуінше, биыл «Еңбек» мемлекеттік бағдарламасы арқылы 735 мың адам жұмыспен қамтылады. 

«Бұл мақсатқа республикалық және жергілікті бюджеттен 123 млрд теңге бөлінеді. Бағдарламаны жетілдіру мақсатында әлеуметтің осал топтарына қосымша шағын несие беру және өз микробизнесін ашуға арналған грант тағайындау тәртібі жеңілдетілді. Қосымша қаражат бөлінген жағдайда «Еңбек» бағдарламасы арқылы тағы 46 мың азаматты жұмысқа орналастыруға болады», – деді министр.

Біржан Нұрымбетовтің айтуынша, жұмыскерлердің еңбек құқықтарын қорғау және жұмыспен қамтылу деңгейі үнемі бақылауда болады.

«Кәсіпорындармен жұмыскерлердің ағыны жөніндегі жол карталарын, сондай-ақ жұмыс орындарын сақтау бойынша меморандум жасау жұмысы жалғаса береді. Елдегі тәуекел аясында жүрген барлық кәсіпорындар, бірінші кезекте жалақы берешегіне жол бермеу мақсатында алдын алу шараларымен қамтылады», – деді еңбек және халықты әлеуметтік қорғау министрі.

Қанат Махамбет