Қазақстан Республикасының Тұңғыш Президенті атындағы Ұлттық қорғаныс университетінің базасында Қарулы Күштердің басшылық құрамының оқу-әдістемелік жиындары шеңберінде "Қазақстан Республикасының әскери қауіпсіздігін қамтамасыз ету мақсатындағы аумақтық қорғаныс" тақырыбында ведомстворалық әскери-теориялық конференция өтті, деп хабарлайды ведомствоның баспасөз қызметі.
Конференция барысында қатысушылар мемлекеттің әскери қауіпсіздігін қамтамасыз етудің ортақ жүйесіне кіріктіру тұжырымдамасы шеңберінде аумақтық қорғаныс жүйесін жетілдіру бойынша бірқатар өзекті мәселелерді талқыға салды. Қатысқандарға аталмыш әскерлерді өрістетудің құрылымы, арналымы мен тәртібі жеткізілді. Іс-шаралардың өткізілу нәтижелері бойынша ақпараттық бюллетеньдер шығарылды.
