"Бәйтерек" ҰБХ" АҚ-ның еншілес ұйымы "Қазақстанның инвестициялық қоры" АҚ-ы Директорлар кеңесінің бүгінгі өткен отырысында тиісті өзгерістер қабылданды.
"Бәйтерек" Холдингінің басшысы Ерболат Досаевтың төрағалығымен Директорлар кеңесі тарапынан бірқатар мәселелер қарастырылды. Атап айтқанда, Директорлар кеңесі комитеттерінің құрамдары бекітіліп, "Қазақстанның инвестициялық қоры" АҚ-ның Инвестициялық декларациясы мақұлданды, деп мәлім етті компанияның баспасөз қызметі.
Қордың жаңартылған инвестициялық декларациясы бизнес-сектормен жұмысты жеңілдетуге және тетіктерінің ашықтығына бағытталған. Мәселен, негізгі борыштың сомасын есептен шығару Кәсіпкерлік кодексінің талаптарыны сәйкес жүзеге асырылатын болады. Инвестициялық декларацияның индустриялдық-инновациялық даму және кәсіпкерлікті дамытуға жәрдемдесу саласындағы инвестициялық жобаларды қолдау секілді өзекті мақсаттары өзгеріссіз қалды. Қордың инвестициялық қызметінің негізінде Қазақстан Республикасының тиісті заңнамасын басшылыққа алу жатады.
Отырыстың барысында тәуекелдер бойынша, Директорлар кеңесінің, Директорлар кеңесінің комитеттерінің, "Қазақстанның инвестициялық қоры" АҚ-ның корпоративтік хатшысының 2016 жылғы 3 тоқсандағы жұмыстары жөніндегі есептер тыңдалды.
Директорлар кеңесінің тарапынан "Қазақстанның инвестициялық қоры" АҚ-ның Ішкі аудит қызметінің 2017 жылға арналған жылдық аудиторлық жоспары және 2017 жылға арналған Аудит салаларының картасы қарастырылды.
