"АрселорМиттал Теміртау" АҚ жаңа әлеуметтік нысандардың құрылысына, кәсіпорындардың экологиялық көрсеткіштерін жақсартуға және ЖЭО жаңғыртуына қосымша қаражат салады, деп хабарлайды
Теміртау қаласында жаңа емхана ғимаратының құрылысы желтоқсанға дейін басталады.
"АрселорМиттал Теміртау" АҚ бас директоры Парамжит Калон ЖЭО-2 жағдайын жақсарту үшін жаңа қазандықты сатып алу және станциялық жабдықтарды жаңғырту жүзеге асырылатынын атап өтті.
"Компания қысқа мерзім ішінде қала үшін емхана салу және оны қазіргі заманғы медициналық жабдықтармен жабдықтау мүмкіндігін жоспарлайды,- деп хабарлады Парамжит Калон. - Сондай-ақ, Теміртау қаласындағы жасөспірімдер үйін және тағы бір спорт кешенін тұрғызу жоспарлануда".
Қарағанды облысы бойынша денсаулық сақтау департаменті жаңа емхана жобасын әзірлеп, оны мемлекеттік сараптамаға таныстырды. Жоба осы жылдың 1 қазанына дейін мемлекеттік сараптамадан өтуі тиіс деп болжануда.
"Егер барлық мүдделі тараптар "АрселорМиттал Теміртау" АҚ жоспарына сәйкес жұмыс істесе, онда осы жылдың 1 желтоқсанына дейін емхана құрылысы басталады",- деп атап өтті компанияның бас директоры.
Ол сондай-ақ компания өткен айда Теміртау қаласында бірнеше көп пәтерлі үйлердің қасбеттерін және ескі қалалық саябақты жөндеуге 150 млн теңге бөлінгенін атап өтті.
