/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Тимур Құлыбаев еңбекақы қорындағы төлемдерді біріктіруді ұсынды

Тимур Құлыбаев еңбекақы қорындағы төлемдерді біріктіруді ұсынды

Бұл 2025 жылға қарай 41%-ға дейін өсуі мүмкін салық ауыртпалығын тоқтата тұруға мүмкіндік береді. 

17:48 29 Қараша 2019 5182

Тимур Құлыбаев еңбекақы қорындағы төлемдерді біріктіруді ұсынды

Автор:

Нұржан Көшкін

«Атамекен» ҰКП жұмыс берушілердің еңбекақы қорынан қызметкерлері үшін өтейтін төлемдерін бірыңғай төлем ретінде біріктіру қажет деп есептейді. Бұл туралы Ұлттық кәсіпкерлер палатасының Төралқа төрағасы Тимур Құлыбаев Парламент Мәжілісінде депутаттармен кездесуде мәлім етті.

«Бүгінгі күні кәсіпкерлер қызметкерлері үшін ай сайын бес төлем жасауға міндетті. Бұл әр жалақының 31%-ы. Бұл – жеке табыс салығы, зейнетақы жарналары, міндетті әлеуметтік сақтандыру қорына және әлеуметтік медициналық сақтандыру қорына төленетін әлеуметтік салық. Жекелеген аударымдардың біртіндеп ұлғаюына байланысты 2025 жылға дейін еңбекақы қорына түсетін ауыртпалық 41%-ға дейін өседі. Жұмыс берушілердің іскерлік белсенділігіне кедергі келтіріп, адал бизнеске төлемдер жүктемесін өсіріп жатырмыз. Олардың сұр аймаққа кетіп, жалақыны конвертке салып төлеуіне әсер етеміз», – деді ол.

Тимур Құлыбаев кездесу барысында жұмыс беруді рәсімдеуді ынталандыру, көлеңкелі экономиканы азайту және халықтың нақты табысын арттыру қажеттігін атап өтті. Үкімет алаңында жұмыс тобы еңбекақы қорына әлеуметтік төлемдерді есептеу және төлеу тәртібін жеңілдету мәселесі талқылануда.

«Атамекен» палатасы барлық төлемдерді біртіндеп бір төлемге біріктіріп, оның жалпы жүктемесін 30-32% -ға дейін төмендету мүмкіндігін енгізуді ұсынады. Ол үшін мақсатты жарналар мөлшерінің өсуімен қатар әлеуметтік салықты біртіндеп төмендету қажет. Жергілікті бюджеттердің алмаған кірісі экономиканың жасырын аймағынан шығуы арқылы өтеледі. Осылайша, бюджет шығындары өтелетін болады. Екінші жағынан, әлеуметтік зейнетақы жүйесінің тұрақтылығы мен бизнесті дамытуға ынталандыруды сақтау арасында тепе-теңдікке қол жеткізіледі»,– деді «Атамекен» ҰКП төралқасы төрағасы.

Сондай-ақ қазақстандықтардың зейнетақы жүйесіне деген сенімін қалпына келтіру керек. Зейнеткерлік кірісті қамтамасыз ету мәселесін тек ынтымақтастық есебінен ғана шешу мүмкін емес. Бұл мәселеде жарналарды аударудың жүйелігі, инвестициялардың тиімділігі және ерікті түрде жинақтауға ынталандыру да маңызды.

Биыл мемлекет басшысы бизнестің өтініші бойынша жұмыс берушілердің қызметкерлері үшін БЖЗҚ-ға төлейтін 5% міндетті жарнаны 2023 жылға дейін кейінге қалдырды. Бүгінгі күні олар еңбекақы қорына 10% төлейді.

«Өкінішке қарай, азаматтар зейнетақы жүйесіне толық сене бермейді. Жұмыс берушілердің тек 77%-ы ғана өз қызметкерлері үшін зейнетақы жарналарын үнемі аударады. Қалғаны не төлемейді, не тұрақты төлемейді. Әрине, кейбір жинақтардың жеткіліксіздігі проблемасын онсыз да ай сайын аударым жасайтындардың есебінен жабу дұрыс болмас еді. Келесі үш жыл ішінде зейнетақы жүйесіне деген сенімді қалпына келтіру, жұмыс берушілер мен қызметкерлерге БЖЗҚ-ға төлемдерді тұрақты түрде аударуға ынталандыруды дамыту, салымшылардың зейнетақысын жоспарлауға қызығушылығын арттыру, олардың активтерін басқаруды таңдау құқығын беру үшін көп жұмыс атқару керек», – деді Тимур Құлыбаев.

Зейнетақы жинақтарын бәсекелі ортаға беру, қор нарығының белсенділігін қалпына келтіру үшін де маңызды. Сонымен бірге, басқарудың сапасы мен тиімділігіне бақылауды күшейту қажет.

Нұржан Көшкін

Біз «күйіп» тұрған мәселелерді ғана шешумен шектелмеуіміз керек – Тимур Құлыбаев

Үкімет іскерлік белсенділікті қалпына келтіруге күш жұмсап жатыр.  

12 Маусым 2020 20:37 1697

Біз «күйіп» тұрған мәселелерді ғана шешумен шектелмеуіміз керек – Тимур Құлыбаев

Еліміздің іскерлік белсенділігін қалпына келтіріп, жұмыс орындарын сақтап қалу үшін мемлекеттік қолдау қажет. Қазіргі жағдайда нарық талабына ғана иек артып отыруға болмайды. Үкімет басшысы Асқар Маминнің төрағалығымен өткен өңір кәсіпкерлерінің онлайн кеңесінде «Атамекен» ұлттық кәсіпкерлер палатасының төралқа төрағасы Тимур Құлыбаев осылай деді.

«Карантин кезінде қиындыққа тап болғанына қарамастан қызметін тоқтатпаған жұмыс орындарының ары қарай әрекет етуіне мүмкіндік беру үшін нарықтың тәсілдері мен әдістеріне ғана жүгінуге болмайды. Себебі олар тек нарық талабынан емес, карантин мен төтенше жағдайдан да зардап шекті. Қазіргі қиын кезеңде әкімдер мен министрліктер оларға көмек көрсетуі керек», – деді Тимур Құлыбаев.

Төралқа төрағасының мәлімдеуінше, нақты сектор бойынша жұмыспен қамтылғандар жайлы ақпаратты назарда ұстау және ай сайын сараптама жасау мақсатында ахуалдық орталық құру қажет.

«Оң өзгеріс немесе кері көрсеткіш тіркелсе, шұғыл шара қолдану қажет.  Жағдайдың құбылуына байланысты қолдау шараларына өзгеріс енгізу керек. Экономикалық өсімді қалпына келтіру үшін институционалдық реформа  жалғасуы тиіс. Біз «күйіп» тұрған мәселелерді ғана шешумен шектелмеуіміз керек», – деді Тимур Құлыбаев.

Ол пандемия бизнеске ғана соққы болып тимегеніне тоқталып, шағын және орта бизнестен түсіп тұрған салық көлемінің төмендеуіне байланысты бюджет те тапшылықты бастан кешіріп жатқанын жеткізді.

«Мұнай саласындағы дағдарыс экономикаға кері әсер етті. Үкімет жағдайға байланысты нақты шешім қабылдады. Біз әкімдермен конструктивті жұмыс орнататынымызға сенеміз. Бизнес үшін басы артық ешнәрсе сұрамаймыз. Біз өңірлік бюджет секторларға нақты қолдау көрсеткені ғана қажет», – деді Тимур Құлыбаев.

Жиында Алматы кәсіпкерлер палатасы өңірлік кеңесінің төрағасы Максим Барышев Алматыда және қалаға жақын орналасқан қалаларда кәсіпкерлер агломерациясын құру бастамасын көтерді. Ол оңтүстік мегаполистегі жұмысшылардың дені қала маңындағы елдімекендерге қоныстағанын тілге тиек етті.

«Төтенше жағдай кезіндегі шектеу шаралары бизнеске кедергі келтірді. Өнім өндіру мен жүріп-тұруға салынған тыйым бизнес субъектілерін тығырыққа тіреді. Алматы әкімдігі мәселені infoalmaty.kz порталы арқылы шешті. Сайт арқылы кәсіпкерлерге қызмет көрсетуге рұқсат берілді. Қазір бұл алаңның қызметі жалғасып жатыр. Мұнда кәсіпкерлерге мемлекет тарапынан көрсетілетін қолдау шараларына қатысты ақпарат жариялануда», – деді Максим Барышев.

Оның айтуынша, Алматыда тіркелген кәсіпорындардың тең жартысы осы порталға тіркелген.

«Төтенше жағдай кезінде электронды сауда мен тауар жеткізу бизнесі оң көрсеткішке ие болды. Ал ивент-индустрия өкілдері карантиннен зардап шекті. Банкет залдары мүлде кіріссіз қалды. Қазір санитарлық талаптарды сақтай отырып, олардың жұмысын жандандыру мәселесі көтеріліп жатыр», – деді Алматы кәсіпкерлер палатасы өңірлік кеңесінің төрағасы.

Оның ойынша, қазір бизнес жеңілдетілген несиеге мұқтаж. Себебі оларға қызметкерлеріне жалақы төлеу қажет.

«Кәсіпорын жұмысшылардың жұмысын жалғастыратынына кепіл беретін болса, оған 0% несие беру керек. Қысқартуды айналып өтуге мүмкіндік болмаса, жеңілдетілген несиені 6% алуға жағдай жасау қажет. Меніңше, ең әуелі қатты зардап шеккен салаларды анықтап, қызметкерлерге 42 500 теңге төлеуді жалғастырған дұрыс. Жыл соңына дейін еңбекақы төлеу қорын салықтан босату да оң шешім болар еді», – деді Максим Барышев.

Шара шеңберінде кәсіпкерлер үкімет басшысына ауыл шаруашылығы, азық-түлік өнеркәсібі, туризм, қоғамдық тамақтану, сауда, құрылыс, білім беру, өңдеу өнеркәсібі салаларындағы бизнестің өзекті мәселелерін жеткізді. Бұған қоса субсидия алу, қарызды қайта құрылымдау, несие бойынша төлемдерді кейінге қалдыру, ауыл шаруашылығы техникасының лизингі, тариф белгілеу, мемлекеттік және квазимемлекеттік секторлардың сатып алуына отандық тауар өндірушілердің қатысуын арттыру, мемлекеттік сатып алу туралы шарт бойынша міндеттемелерді орындау мерзімін қайта қарау мәселелеріне қатысты ұсыныс білдірді.

Премьер-министр күн тәртібіне қойылған өзекті мәселелердің барлығы кезең кезеңімен шешілетінін, бұл бағыттағы жұмыс үздіксіз жалғасатынын жариялады.

«Үкіметтің міндеті – іскерлік белсенділікті қалпына келтіру. Бизнес дағдарысқа дейінгі деңгейге жетуге тиіс», – деді Асқар Мамин.

Қанат Махамбет

Тимур Құлыбаев: Салық пен айлықты уақтылы төлеген кәсіпорындар қолдауға лайық

«Атамекен» ҰКП жұмыспен қамтуға мониторинг жасайтын ситуациялық орталық құруды ұсынды.  

04 Маусым 2020 19:43 2036

Тимур Құлыбаев: Салық пен айлықты уақтылы төлеген кәсіпорындар қолдауға лайық

Үкімет басшысы Асқар Маминнің төрағалығымен Эконономикалық өсімді қалпына келтіру жөніндегі мемлекеттік комиссияның отырысы өтті. Бейнеконференция форматында өткен жиында карантиннен шыққан кәсіпкерлерді қолдау, жұмыссыздықты тежеу, халықтың сатып алу қабілетін көтеру, өндірісті сұранысқа қарай бейімдеу мәселелері талқыланды.

Жиында «Атамекен» ұлттық кәсіпкерлер палатасының төралқа төрағасы Тимур Құлыбаев экономиканы қалпына келтіруді дағдарысқа дейін табысты жұмыс істеген кәсіпорындарды қолдаудан бастау керек деген ой айтты.

«Бұл жердегі басты мәселе – жұмыспен қамтуды қолдау. Ұлттық палата төтенше жағдай мен дағдарысқа дейін табысты жұмыс істеп, салықты уақытында төлеп, елді жұмыспен қамтып келген кәсіпорындарды қолдау керек деген ұстанымда. Ең әуелі осындай кәсіпорындарға көңіл бөлуді ұсынамын. Әрине, екінші деңгейлі банктердің өз міндеттері бар, реттеуші орган нұсқаған нормативтерді сақтаулары керек. Бірақ осы екінші деңгейлі банктердің қарауына кірмей қалған кәсіпорындар да бар ғой. Бұл жерде Үкіметпен, даму институттарымен бірге осы адамдарға қандай көмек көрсете аламыз дегенді ойластыру қажет. Өйткені, Әсет Өрентайұлы айтқандай, әлеуметтік сипаттағы талаптар мен әлеуметтік шиеленіс арта бермек. Бізге ақылға қонымды шешімдер қабылдау керек», - деген ұлттық палата басшысы қаржылай көмек көрсететін секторды анықтау үшін маусым аяғының қорытындыларын күтуді ұсынды.

«Менің пайымыша, осы айдың ішінде қандай каратиндік шаралар экономиканың әр секторында бизнес жүргізуге қалай әсер еткенін көре аламыз. Мысалы, көлік тасымалына автобустар мен өзге де көліктерде орындар санын қысқарту әсер етті. Бұл салаға қандай көмек көрсете алатынымыз белгілі болады.  Мұндай жағдай қызмет көрсету, турзим салаларына да қатысты. Түсенсіздер ме, бұл кәсіпорындар мейрамханаларда орын санын қысқарту сияқты жаңа шарттармен жұмыс жалғастыруға мәжбүр. Әрине, бұл олардың табысын азайтады.  Маусым айын экономиканың қай секторы көбірек зардап шеккенін түсінуге арнайық. Жұмыспен қамтуға мониторинг жасайтын орталықтың әр өңірде өкілдіктерін құруды ұсынамыз.  Бір ай ішінде жағдайды бағамдасақ, қай секторға қандай қолдау керек екені белгілі болады. Төтенше жағдай енгізгенге дейін олар айлықты, салықты уақтылы төлеп келсе, табысы қықарғаннан кейін қиын жағдайда қалып отыр. Карантин шараларын сақталып тұрған кезеңде біз осы кәсіпорындарды қолдауымыз керек», - деді ұлттық палата басшысы.

Ол, сондай-ақ, мұндай қолдаудың мерзіміне қатысты да пікір білдірді.

  «Біз қолдау шаралары белгілі бір кезеңде іске асатынын талқыладық. Оны түсініп те отырмыз. Бұл бірнеше ай емес, бір жыл шеңберінде, тіпті одан көп болуы мүмкін. Екпе дайын болғанда экономиканың қалыпты қызметіне орала аламыз. Сондықтан маусым айын экономиканың қай секторы көбірек зардап шеккенін анықтауға арнауды ұсынамыз. Біз  ақпарат берейік, әкімдіктер де ақпарат берсін. Біздің ұсыныс – өңірлерде өкілдіктері бар жұмыспен қамтуға мониторинг жасайтын ситуациялық орталық құру. Сол кезде бір ай ішінде қай секторға қандай көмек көрсету керектігін көреміз және талқылаймыз», - деді Тимур Құлыбаев.

Есжан Ботақара