/img/tv1.svg
RU KZ
DOW J 23 724,20 Hang Seng 24 275,22
FTSE 100 5 842,66 KASE 2 249,72
РТС 1 137,35 Өнеркәсібі 1 484,00
Вирус дағдарысы Қытайда әлсірегенімен, өзге әлемде күшейіп келеді

Вирус дағдарысы Қытайда әлсірегенімен, өзге әлемде күшейіп келеді

Өткен тәулікте Еуропада, Таяу Шығыста, Құрама Штаттарда коронавирус жұқтырғандар тіпті көбейді. 

04 Наурыз 2020 15:48 2718

Вирус дағдарысы Қытайда әлсірегенімен, өзге әлемде күшейіп келеді

Автор:

Арыс Әділбекұлы

Covid-19 Батысқа бет бұрып, Таяу Шығысты, Еуропаны, АҚШ-ты шарпып жатқанда, Қытайда коронавирусты жеңуге деген үміт пайда болды. Дүниежүзілік денсаулық сақтау ұйымының есебінше, өткен тәулікте бұл мемлекетте жұмбақ инфекцияны жұқтырғандар саны әлемдегі жағдаймен салыстырғанда 9 есе аз тіркелген. Ал, Уханьда дереу салынған алып госпиталь директорының сөзінше, наурыздың соңына дейін оның барлық пациенті үйлеріне жіберіліп, уақытша аурухана өзінің «тарихи миссиясын»  аяқтайды.

«Біз Қытайда коронавирус жұқтырғандардың азайып келе жатқанына күмән келтірмейміз», – дейді жақында Қытайға сапар шеккен Дүниежүзілік денсаулық сақтау ұйымының сарапшысы Мария Ван Керхове.

Сонымен қатар, Бейжіңнің Біріккен Ұлттар Ұйымындағы тұрақты елшісі Чжан Цзюнь де өз елінің коронавирусты таяуда жеңетінін сеніммен атап өтті. 

Тағы бір айта кететін жайт, Қытайда зауыт-фабрикалар жабылғандықтан, соңғы төрт аптада ауаға тараған улы газдың мөлшері былтырғы жылдың осы кезеңімен салыстырғанда 25 %-ға төмендеді. Мұны көмір, болат, мұнай индустрияларынан алынған деректерді сараптай отырып, Хельскиндегі Энергия мен таза ауаны зерттеу орталығы анықтап отыр.

Әлем бойынша 93 мыңнан астам адам коронавирусқа шалдығып, шамамен 3100-і  қайтыс болды. Құрбандардың 95%-ға жуығы – Қытайда. Ал, осы инфекция табылған елдердің саны 80-ге жетіп, олардың қатарына өткен тәулікте Украина мен Марокко да қосылды. Қазір дүниежүзінде дәрігерлер мен медбикелер маскалар мен өзге де медициналық құралдар тапшылығын айқын сезіне бастады.

«Біз медициналық персоналды қорғамасақ, Covid-19-ды тоқтата алмаймыз», - дейді Дүниежүзілік денсаулық сақтау ұйымының бас директоры Тедрос Адханом Гебрейесус.

Италияда коронавирустан 79 адам қайтыс болды. Осылайша, ол жұмбақ инфекция құрбандары саны жағынан Қытайдан кейінгі екінші орынға шығып отыр. Ал, Иранда жаңа вирусты парламенттің 23 мүшесі мен төтенше жағдайлар қызметінің басшысы да жұқтырып отыр. Мұнда эпидемияның кең етек алғаны сонша – онымен күреске 300 мыңдай әскер тартылып, түрмелерден 54 мың сотталушыны босату жоспарланып отыр. Коронавирустан қайтыс болған 77 адамның ішінде елдің рухани жетекшісі – Аятолла Әли Хаменейдің көмекшісі, Ислам Республикасының Ватикандағы бұрынғы өкілі және парламенттің бір депутаты бар.

Құрама Штаттардағы ахуал да қиындап барады. АҚШ-та жаңа вирустан 100-ден астам адам ауырып, тоғызы қайтыс болған. Жан тәсілім еткендердің барлығы – Вашингтон штатынан. Эпидемия қаупі күшейгендіктен, Америкада да мектептер мен метрода дезинфекция жұмыстары жүргізіліп жатыр. Федералдық резерв жүйесі болса, экономиканы құлдыраудан сақтау үшін пайыздық үстемені соңғы онжылдықтағы ең көп мөлшерге қысқартуға мәжбүр. «Үлкен жетіліктің» өзге елдері әзірге мұндай қадамға бара қойған жоқ. Себебі олардың орталық банктерінің пайыздық мөлшерлемелері мұнсыз да нөлден сәл жоғары немесе одан да төмен.

Франция президенті маскалар мен дәрі-дәрмектерді қатаң бақылауға алып, олардың медиктер мен коронавирус пациенттеріне жеткілікті болуын қамтамасыз етуді бұйырды. Бесінші республикада Covid-19-дан төрт адам о дүниеге аттанып, жұқтырғандар саны 200-ден асып кеткен.

«Біз бастан кешіп жатқан кезең сөзсіз апталарға, айларға созылады. Эпидемияны тоқтату үшін айқындық, өжеттік, табандылық қажет», – дейді Елисей сарайының қожайыны Эммануэль Макрон вирустық дағдарыс орталығы мамандарымен өткен кездесуде.

Сәрсенбі күні Оңтүстік Кореяда коронавирус тағы 142 адамнан табылып, жұқтырғандардың жалпы саны 5328-ге жетті. Мұнда да скринингтік орталықтар көптеп құрылып, дезинфекция шараларына армия сарбаздары мыңдап тартылып жатыр.

Токио Олимпиадасы өте ме, өтпей ме? Бүгінде Жапонияны мазалаған үлкен сұрақтардың  бірі осы. Елдің Олимпиада министрі Сейко Хашимото мәлімдегендей, Жапония Жазғы Ойындарды шілденің 24-де ашу үшін «бар күшін» жұмсап жатыр. Бірақ парламентке айтқан өзге бір сөзінде министр Токионың Халықаралық Олимпиада Комитетімен Олимпиаданы 2020 жылы өткізуді ғана талқылап жатқанын жеткізді. Бұл – әлемдік спорттық жарыстың жыл соңына шегерілуі мүмкін екенін аңғартуы мүмкін.

Арыс Әділбекұлы

inbusiness.kz-ті қараңыз, оқыңыз :

Бас санитар Қытайдан келген дәрігерлер қандай жұмысқа тартылатынын түсіндіреді

Қазақстан және Қытай мамандарының қатысуымен өтетін онлайн-брифингті сағат 16:00-де ATAMEKEN BUSINESS телеарнасы тікелей эфирде көрсетеді. 

10 Сәуір 2020 15:42 304

Бас санитар Қытайдан келген дәрігерлер қандай жұмысқа тартылатынын түсіндіреді

Баспасөз-конференциясына бас санитар Айжан Есмағамбетова, Денсаулық сақтау министрлігінің қоғамдық денсаулық департаменті директоры Мағрипа Ембергенова,   Нұр-Сұлтан қаласының қоғамдық денсаулық сақтау басқармасы басшысы Сәуле Қисықова және ҚХР СУАР халықтық ауруханасы бас дәрігерінің орынбасары Лу Чэнь, дәрігер-инфекционист Лу Сяобо қатысады.

Есжан Ботақара

 

Халықтың өмірі үшін күресіп жүрген азаматтарға қолдау білдірейік

Ақмешіттің ақ халатты дәрігерлері «Соңғы науқас жазылғанша, үйге қайтпаймыз» дейді.  

09 Сәуір 2020 21:47 1016

Халықтың өмірі үшін күресіп жүрген азаматтарға қолдау білдірейік

Ел басына күн туған төтенше жағдай уақытында Сіз бен Бізге қызмет етіп жүрген жандардың еңбектері ересен. Карантин уақытында бастарын «бәйгеге» тігіп, «көрінбейтін майдан» шебінде жүрген жандар сүреңсіз індетті ауыздықтау үшін күн-түн демей жұмыс істеуде. Солардың бірқатарын ел біле жүргені абзал.

Инфекциямен күрестің негізгі салмағы ақ халаттыларға түсіп тұр. Ушығып түрған індет дәрігерлер қауымына жауапкершілік жүгін еселеп артып берді.

Жай күннің өзінде халықтың саулығы жолында қарбалас тірлік кешетін  олар бүгінде тіпті күрделі жағдайда еңбек етуде. Өйткені бар үміт – дәрігерлерде. Антына берік ақ халаттылар үй бетін көрмей науқастарды аман алып қалу жолында жүр. Қызылорда облысында ауру анықталған алғашқы күннен бері эпидемиолог, инфекционист мамандар аяғынан тік тұрып қызмет етіп жатыр.

«Соңғы науқас жазылғанша, үйге қайтпаймыз», дейді Жаңақорған ауданаралық ауруханасының жоғары санатты аға дәрігер-эпидемиологы Асқан  Отарбеков.

«Бекітілген тәртіп бойынша медицина маманы науқас қашан айығып кеткенше үйіне жіберілмейді. Оларға науқастар жатқан ғимарат ішінен шығуға рұқсат жоқ. Соңғы пациент жазылып шыққан соң ғана үйіне бара алады. Дәрігер-медбикелеріміз осы тәртіпке бағынып, жұмыстарын атқаруда. Менің өзім ауру анықталған алғашқы күннен бастап, үйіме барған жоқпын. Отбасыммен тек телефон арқылы ғана сөйлесемін. Науқастардың жағдайының күрт төмендеп кетпеуіне, дертінен айығып үйлеріне аман-есен оралуларына біз жауаптымыз», – дейді ол.

Асқан Бердіұлының айтуынша, аудандық инфекциялық бөлімде 25 қызметкер бар екен. Он маман науқастардың айығып кетуі үшін тынбай еңбек етуде. Бүгінде ем алып жатқан науқастардың жағдайы қалыпты, асқынулар болып жатқан жоқ. Медицина мамандары күшейтілген жұмыс режиміне көшкен.

Төтенше жағдайда тұрғындар тарапынан сан сауалдардың болуы заңды. Мемлекеттік қызметті ұғынықты жеткізіп отырған ХҚКО мамандары да қашықтан жұмыс жасауға көшкен. Күрделі ахуалға қарамастан сан-салалы сауалдарға жауап беріп отырған қызметкердің бірі Жанар Абибуллаева. Тәжірибелі маман бейнеқоңырау арқылы Арал халқына онлайн түрде қызмет көрсетуде.

«Үйде жұмыс істеу әрине қиын. Әрі қолайсыз. Бірақ қазіргі жағдай соны талап етіп отыр. Күніне 150-ге жуық қоңырауға жауап беріп, кеңес беремін. Тұрғындар онлайн ЭЦҚ алу, мобильді азаматтар базасына тіркелу және түрлі мемлекеттік анықтамаларды алу бойынша хабарласады. Халықтың разылығы үшін үлгеруге тырысамын. Бұл қиындықтарды жеңетінімізге сенемін»,  – дейді Жанар.  

«Атамекен» ҰКП облыстық Кәсіпкерлер палатасы індет кезінде болуы мүмкін барлық жағдайды талдап, алдын ала іске кірісіп кеткен бірден-бір ұжым. Әрбір кәсіпкердің шешілген мәселесімен бірге қуанып, кедергіге бірге қиналатын Палата өкілдері тек штабта ғана емес, әр аудандағы кәсіпкерлерді құқықтық ақпараттандырып, тіпті кей мәселелерді дереу шешіп жатыр.

Шаруа жайын күйттеп жүрген кәсіпкерлерге көктемнің әрбір күні алтынмен тең. Қысылтаянда берілген көмектің сауабы да зор. Әсіресе карантин уақытындағы блок-посттардан өту, кәсіпкерлердің халыққа қажетті тауарларын өткізуі үлкен қиындық тудырса да, Кәсіпкерлер палатасының көмегі арқасында нәтижелі жұмыстарды көріп отырмыз.

Уақытпен санаспай жұмыс жасап жатқан Палата мамандарының бірі Алма Аманбайқызы. Карантин басталғалы демалысты ұмытқан. Жұмысы, таңғы 7-ден телефон көтеруден басталады, әрі қарай кәсіпкерлердің автокөлігі, ондағы адамның ақпараты, фирмасы, тауары секілді барлық деректі жинап, тіркеп, тиісті орындарға жіберіп, мәселенің дер кезінде шешілуіне атсалысып отыр.

Ал, көктемгі егіске байланысты шаруалардың темір-терсегінен бастап, суына дейінгі проблемаларын шешіп жүрген Жасұлан Серіков, дихандардың күрішінің экспортталмай қалу қаупі төнгенде «дабыл» қағып, мәселені уақытында шеше білді. Шаруабасты Жасұлан билік пен агросаланың арасына «жол сала» білген азамат.

Блок-пост қойылған алғашқы ажиотаж күндерде бекеттерде кәсіпкерлер жан-айқайына құлақ түрген Мұрат Сұлтанғазыұлы, олардың кедергісіз жұмыс жасауы үшін проблемаларын облыстық, қалалық штабқа жеткізіп отырды. Қай жерге, ненің керек екенін ақпараттандырумен бірге кәсіпкерлердің проблемаларына анализ жасап, «Атамекенге» ұсыныстарда жіберіп отыр.

Сонымен қатар, кәсіпкерлердің заттарын экспортқа кедергісіз шығуы үшін қажетті сертификат берумен айналысып жатқан Айман Шаймаханқызына да күніне 10-15 адам шағымын жеткізеді. Әрине сертификат алу үшін. Әр кәсіпкердің жоқ дегенде 20-40 парақ қағазын үтір-нүктесіне дейін тексеруі қажет. Себебі, сертификат берудің жауапкершілігі аса жоғары. Арасында кеңес беру үшін хабарласатын 30-дан астам адамның телефон қоңырауына жауап беру де Айманның мойнында.

Бұлардан бөлек, Палата мамандарының барлығы да үй, кабинет бетін көрмей, штаб, жұмысшы топ отырыстарында кәсіпкерлердің мүддесін қорғап, қажетті ақпаратты жинап, есептеп, тиісті органдарға жіберуде.

Қызметтік міндеттерін мінсіз атқарып жүрген жандар үйде немесе кабинетте отырғысы-ақ келеді, бірақ дәл қазір азық-түлік тауары халыққа үзілмей жетіп тұруы үшін бар мүмкіндікті пайдаланып жұмыс істеуде.

Бүгінгі қалыптасқан жағдайға байланысты енгізілген карантин шараларына облыс тұрғындары үлкен жауапкершілікпен қарап, тәртіпке бағынуларын біз де өтініп сұраймыз. Халықтың салауатты өмірі үшін күресіп жүрген бүгінгі күннің қаһармандарына осылай қолдау білдірейік, ағайын!

Нұрбек Дәуренбеков

inbusiness.kz-ті қараңыз, оқыңыз :

Жаңалықтарға жазылу: