Нигерияның солтүстік-шығысындағы Борно штатында алдағы бірнеше айда 75 мыңдай бала аштықтан көз жұмуы мүмкін. Бұл туралы БҰҰ мәлімдеді. Ұйым аталған елде туындаған гуманитарлық дағдарысты өз бетінше шеше алмайтындығын айтып отыр, деп хабарлайды Би-би-си. БҰҰ-ның гуманитарлық бағдарламасының үйлестіруші Петер Лундбергтің мәлімдеуінше, күні кеше ғана "Боко Харам" экстремистік тобы билеп-төстеген аймақта 14 млн-ға жуық адам көмекке зәру. Олардың 400 мыңға жуығы – жасөспірім. Нигерияның солтүстік-шығысында жихадшылар мен үкімет әскері арасында жеті жылға ұласқан жанжалда он мыңдаған адам көз жұмып, екі миллиондай жергілікті тұрғын босып кетті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
