"Қазақстан мектептерінің бәрін дәстүрлі оқыту форматына көшіру - мұғалімдер мен қызметкерлерді 100% екпеден өткізгенде ғана қамтамасыз етіледі", – дейді Қиясовтың сөзін таратқан партияның баспасөз қызметі.
Хабарламада аталып өткендей, мұндай жағдайда мектептерде бұқаралық іс - шараларды өткізуге тыйым салынып, асханаларда тамақтану кезінде бақылау күшейтіледі.
"ЖОО-ларға келер болсақ, 18 жастан асқан студенттер екпе алуы керек, әйтпесе олар қашықтан оқиды",– дейді ол.
Өз кезегінде кеңес мүшесі, "Республикалық физика-математика мектебі" КЕАҚ Басқарма төрағасы Ғабит Бекахметов отырыста оқушыларды бастауыш, орта және жоғары мектеп блоктарына бөлуді ұсынды. Сонда коронавирус анықталған жағдайда, бүкіл мектеп емес, нақты блок жабылады.
"Білім беру мекемелерінің басшылары оқушылардың физикалық бытыраңқылығы бойынша нақты ұсыныстар беруі керек. Мысалы, әр уақытта өзгерістерді ғана емес, әр блок үшін оқу күнінің басы мен соңын да қоюы тиіс", – деді Бекахметов.
Өз кезегінде Білім және ғылым вице-министрі Шолпан Қаринова отырыста 1 қыркүйектен бастап елімізде 7 475 мектеп жұмысын бастайтынын айтты. Отырыс қорытындысы бойынша Білім және ғылым министрлігіне бірқатар ұсынымдар әзірленді.
Айта кетсек коронавирус індетіне байланысты Қазақстандағы мектептердің көпшілігі 2020 жылдың наурызынан бастап қашықтықтан оқытуға көшкен болатын.
Аян Бекенұлы
