КамАЗ Оңтүстік-Батыс Азия мен Африкадан жаңа нарықтар іздестіру жұмысын жандандыратынын мәлімдеді. Олар бұл қадамға ТМД елдерінде автозауыттың өніміне сұраныс күрт төмендеп кеткендіктен барғалы отыр. 2016 жылдың тоғыз айында аталмыш нарықтағы КамАЗ-дың саудасы екі есеге құлдырады, деп жазады РБК. Компанияның тоқсандық есебіне бойынша, 2016 жылғы қаңтар-қазанда ол 3328 автотехника мен құрастыратын бөлшектер жиынтығын (ҚБЖ) экспорттаған, бұл 2015 жылдың ұқсас кезеңімен салыстырғанда 10,15%-ға төмен.
Сондай-ақ автотехника экспортының жалпы үлесінде осы брендтің үлесі азая бастаған. КамАЗ ТМД нарығынан айырыла бастады: 2016 жылдың тоғыз айында аталмыш нарыққа 1343 автомобиль мен ҚБЖ жеткізген, бұл 2015 жылғы ұқсас кезеңмен салыстырғанда 48% аз. КамАЗ өнімі экспортының жалпы көлемінде ТМД елдерінің үлесі 69,7-ден 40,4%-ға дейін құлдырады. Қазақстанда да айтарлықтай төмендеу бар: компанияның дерегі бойынша, Қазақстанға автотехника экспорттау 61,1%-ға азайған. ТМД-ның өзге елдерінде де осындай көрініс байқалған. КамАЗ экспортының төмендеуіне ТМД елдеріндегі экономикалық дағдарыс себеп болып отыр делінеді.
