Шаңхай ынтымақтастық ұйымының саммитіне қатысушы мәртебелі меймендар бүгін кешке ЭКСПО көрмесінің ресми ашылу салтанатына қатысады. Ал көрменің ашылуына санаулы сәттер ғана қалды. Салтанатты шара кешкі сағат 8:00-де конгресс-орталығында өтеді. Ол амфитеатрдағы концерттік бағдарламамен жалғасатын болады. Тарихи сәтті барлық республикалық телеарналардан тікелей эфир арқылы көруге мүмкіндік бар. Қазіргі уақытта ЭКСПО көрмесінде медиа орталық жұмыс істеп тұр. Онда шетелдін келген және отандық журналистер атаулы шара жөнінде әлемнің әр түкпірінехабар таратуда. Қазір дәл сол орталықтан тілшіміз Арай Сүгірбай тікелей байланысқа шықпақ. Арай, жалпы, медиа орталықта қанша журналист жұмыс істеуде?
Арай Сүгірбай, тілші:
"Біз қазір ЭКСПО көрмесі алаңындағы медиа орталықтамыз. Мұнда журналистердің алаңсыз жұмыс істеуінежағдай жасалған деп айтуға толық негіз бар. Жалпы, көрменің ашылу салтанатына 2 мыңнан астам журналист келген екен. Оның мың жарымы қазақстандық журналистер."
Фариза Болатбек, "ЭКСПО-2017" Баспасөз орталығының жетекшісі:
"Бүгін 700-ге жуықшет елдік тілшілер аккердитациядан өткен. Бұл көрсеткіштің саны өсуі әбденмүмкін. Себебі, көрмені тамашалауға келгісі келетін БАҚ өкілдерінің қарасы қалың."
