"Самұрық-Энерго" директорлар кеңесінің құрамы 5 адамнан 7 адамға кеңейді, делінген KASE-де жарияланған компанияның хатында.
Атап айтқанда, директорлар кеңесінің құрамына "Самұрық-Қазына" АҚ мүддесін қорғаушы ретінде Нұрлан Рахметов пен тәуелсіз директор Хоакин Галиндо Велез сайланды.
Аталмыш шешімді 2017 жылы 28 қаңтарда акционер қабылдады.
Сондай-ақ директорлар кеңесі құрамына директорлар кеңесінің төрағасы Қуаныш Бектеміров, директорлар кеңесінің мүшесі, "Самұрық-Энерго" басқарма төрағасы Алмасадам Сәтқалиев, тәуелсіз директорлар Лука Сутера, Анатолий Спицин және Андреас Сторзел кіреді.
2007 жылы құрылған "Самұрық-Энерго" АҚ "Самұрық-Қазына" ұлттық әл-ауқат мемлекеттік қорының құрамына енеді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
