футбол дивизионының бірінші деңгейінен жоғары деңгейге көтеретінін мәлімдеді.
Ваит Талгаев – аймақта аты аңызға айналған адам. Жамбыл өңірінен шыққан футболшының ешқайсысы кеңес одағы кезіндегі алматылық "Қайратта" тұрақтап қалған емес. Ал жамбылдық "Алатау" командасының қорғаушысы Ваит Талгаев болса, 1972-1976 жылдар аралығында осы командада ойнаған болатын.
"Қайрат" оның соңғы ойнаған командасы болды. Оның құрамында жүрген кезде Ваит Талгаев бірінші және жоғары одақтық лигадағы 154 жарыста ойнады. Алайда ресми жарыстарда бірде-бір доп салған емес. Бірақ бұл сол кездегі футболшы үшін аса қиындық тудыратын жағдай емес еді. Ол 1976 жылы "Қайрат" командасының ойыншысы ретінде КСРО-ның жоғары чемпиондық лигасына шыққан еді.
Бас жаттықтырушы Ваит Талгаевтың екі лауазымы бар. Оның бірі – өз еліміздікі, екіншісі – ресейдікі. 1996 жылы бұрынғы Жамбыл, қазіргі Таразға қайта оралған Ваит Талгаев жергілікті команданы әзірге футбол тарихындағы жалғыз алтын медалін алуға себепкер болды. Ал содан кейін араға 8 жыл салып, грозныйдың "Терек" командасына Ресей кубогын алып берді. Бұл жеңіс те команда тарихындағы әзірге бірінші жеңіс.
Сонымен бірге "Тараз" командасы Ваит Талгаевтың басшылығымен екі рет 1995 жылы және 1997 жылы еліміздегі жоғары дивизионның күміс жүлдегері болды. Ал грозныйлық "Терек" командасы 2004 және 2007 жылдары бірінші ресейлік дивизионнан Ресей премьер-лигасына шықты. Ваит Талгаевтың өмірбаянын парақтап қарасақ, оның бұдан басқа грозныйлық "Эрзуда", павлодарлық "Ертісте", қызылордалық "Қайсар-Харрикейнде" және талдықорғандық "Жетісуға" бас жаттықтырушы болғанын көреміз. Сондай-ақ 2000 жылы еліміздегі ұлттық құраманың бас жаттықтырушысы ретінде 9 жарысқа қатысты.
"Тараз" командасының тарихында ең табысты болған бас жаттықтырушыны шақырудың себебі енді түсінікті. Сонымен бірге бұл команданың барлық жеңісі оның жұмыс істеу кезеңімен байланысты.
Енді Тараз Ваит Талгаевтан көп үміт күтеді.
Игорь Воротной, Астана
